Bismillahirahmanirrahim, dakbukak pasinaon sastra iki, karo salah sawiji gurit potret kahanan negri iki. Nuwun
Safandi Mardinata: Blajar Ngaji Aku kepengin ngaji Ngaji sing mranani ati Dudu kang kebak srei drengki Aku kepengin blajar ngaji Ngaji sing ora natoni ati Atine dhewe uga atine liyan Amerga intoleran wis keladuk mraman Yen budhal ngaji Dak cepakna sangu ati Uga aqli Supaya Jawa Tetep nduweni arti Aku kepengin melu ngaji Ngaji sing ngayomi Dudu ngaji sing manasi ati Kepenginku ngaji Amarga kepengin weruh jati Ajining dhiri, ngajeni sapadha titah Gusti Uwong ngaji ngono nduwe aji Uwong ngaji ngono ngajeni. Bojanegara, 8/03/2020
